BrisbaneBBS.com悠悠网 | 布里斯班中文网_昆士兰华人论坛_黄金海岸论坛_Goldcoast_租房_工作_交友_同城

标题: 黃子華金句.睇唔明就算喇!(轉) [打印本页]

作者: Wingtsui 时间: 2009-9-19 15:03
标题: 黃子華金句.睇唔明就算喇!(轉)
饮得high high哋,不如返屋企
损人先利己,打赢靠暗器
若要人不知...唔好咁低B....
得闲奸一奸，大病都好翻
你唔丑，你点算丑啊，你係块面唔多实用咁解嘛，你嘅鼻台太大，啲眼耳口鼻咪唔见使咯

处男係无资格自杀嘅！
错就要认！要对方认！！！
损人不利己,不如跳井死~~~
有恩不报未算差.....有仇不报正人渣....
三十六着，恃强凌弱

江湖一滴血..
不對外人說..
如對外人說..
日夜流鼻血..

愛情有如流星雨,短暫而美麗,
如果你没有时间谈情就请你跟我露营
只要有泳衣，死咗都有得医
你好巴闭咩？我够有3个C咯，CHEAP、CHEAPER、CHEAPERPER

你爱的,得唔到.你唔爱的,你甩唔到
卸咗妝後仲認得叫做化妝,認唔嘅叫做喬裝
化妆叫make up，女人唔单止俾个make up你睇，仲要俾埋个making of你睇
鞠躬盡瘁死而後已,If I try so hard, I will die after worst.
百佳呢個名改得好,甘大間鋪頭只系得100樣嘢係佳.呢啲咪叫做謙虛羅.
基本上男人係做到三個不,不主動,不抗拒,最重要我哋係不負責嘅.
啲老板成日話啲員工做嘢都唔羅個心出來,激死人.
啲員工就成日話老板都唔羅舊金出來,洗死人.

你返去同日本人讲~~钓鱼台我哋中国的!
佢俾份人工你，一半係笔你做嘢嘅，一半係俾你受氣嘅

啲猪扒令到我哋啲男人好唔安乐
但却令到你哋啲女人好快乐
buffet 不妨太过份.出猫不要太高分
我有一份工...叫做阴功

喺爱情之中，女人最伟大！男人嘅牺牲，就为咗追求美丽；而女人嘅牺牲，就只係得到一个麻甩佬！而最伟大嘅係佢哋根本唔觉得係牺牲。

我第一次恋爱之前，我嘅小龙女只需要一个条件，就係靓，我知我咁样谂好肤浅，但係嗰阵时我重细，唔知道原来身材都好重要架。

杀人放火金腰带今次唔得帮你挽鞋!

唔该你失恋就唔好唱情歌啦,失恋唱情歌即係漏煤气,你关窗姐

好多人結婚，最初就以為自己係婚姻嘅用家。後來先發覺自己係感情嘅炒家，於是想離婚。但係離婚又要攪幾年，睇住周街都係新盤靚盤，自己個盤又放唔出，幾難受！

我從小就知道，我係一個偉大嘅演員。
人哋細個成班細路群埋，鐘意玩扮結婚，扮爸爸媽媽。我細個，就鐘意扮姦夫淫婦。
但係唔知係咪我個樣比較老實，我係從來都冇機會扮奸夫。每次我都係扮淫婦......嘅老公。
雖然係咁，雖然，我亦都係成班人之中最細嗰個。但係我已經可以將一個妒忌嘅男人心態表現得淋漓盡至。
當然，我啲朋友個個都讚我，話我天生出嚟，就係戴綠帽嘅。

如果你話我聽，因為我唔靚仔，所以唔可以做戲，你唔應該話我聽！因為唔關我事，我唔應該負呢個責任，你應該同我父母講，係佢哋攪成我咁嘅。如果你要罰，應該罰佢哋。以後，邊個醜樣，就罰佢爸爸媽媽唔準做戲！或者剩係做茄呢啡！

我唔係一個唔負責任嘅人，為我爸爸媽媽嗰短短一剎嘅快感，我已經負責負咗廿幾年。你估做我好易做啊？
我細個讀書唔好，或者唔合格，我冇要父母負責。我自己簽晒啲成績表嘅。
每當我爸爸媽媽有爭執鬧交嘅時候，我有冇叫佢哋為咗我嘅童年著想，忍下對方？冇！我叫佢哋出街鬧！
我大個咗，唔知應該信邊個宗教，唔知做人為乜，唔知人生事業嘅方向都冇要求父母照顧我。
反而係我調番轉頭，提醒佢哋：你哋要搵錢啊，積穀防飢啊，唔係第日老來無依無靠啊！
乜嘢都係我！

一件污,二件穢,三件無所謂。

白雪公主，识得果个係王子，灰姑娘识得果个又係王子；
有个有特殊嗜好，中意锡青蛙嘅女人锡咗只青蛙一淡，
只青蛙变出嚟嘅又係王子！有冇人谂过根本个王子係同一个人呢？
根本呢个王子都不知几花心，周围沟女。仲无良到扮青蛙去沟添！
所以话，其实呢个世界上没王子，只有扑街，最憎就系果啲扮王子嘅扑街！！
但后来随着世界嘅发展，我觉得现代嘅爱情故事当中，其实都係无公主嘅．因为等白马王子救嘅果个係公主，拿把剑噶王子救果个又係公主，就连扮青蛙果个王子救嘅都是公主．其实果个公主都唔知比人救过几多次啦．咁又有冇人谂过根本个公主其实都係同一个人呢？呢个公主其实都不知几贪心想有好多王子救佢．

愛唔係PART-TIME，你唔可以話：『愛！做完咪走囉！』
戀愛係一盤生意，你要二十四小時諗住佢。
自己生意，冇所謂PART-TIME 正識。
人地放假或者過年過節，你更加要開OT添。
行花市啦行海旁啦睇戲食飯啦....
你有乜0野競爭對手呢？
我冇競爭對手?！
你估你係專利巴士公司呀？
港巴都執0左啦！
有冇考慮結婚？
咁就要向公眾交代，咁就即係上市啦！
所以，『中學生應否談戀愛』唔係問題、
問題係『人類應否有兩份全職工作？』
你再拍拖，需要知會你老闆：
『老細，我出面搵0左份戀愛，我真係好需要呢份戀愛?，不過公司0野我會照做，我兼顧到。』
然後你老闆會話：
『咁你不如搵多份愛情，咪直情唔洗番呢分工囉』

依家啲人溝女，對絛女最大嘅要係乜呀?
唔係靚，最緊要，係夠新鮮!
乜嘢叫做夠新鮮呀?

就係話、溝咗一年個個，就唔夠溝咗半年個個咁正。
因為半年個個新相識，新鮮啲。
同樣，溝咗半年個個，就唔夠三個月咁正。
溝咗一個月就唔夠半個月個個咁正。
溝咗一日就唔夠半日咗個正，如此類推，終於...
溝咗個件，就唔夠未溝果件咁正！
咁即係點呢??
仲溝唔溝好呢?一溝就唔正?！
靚仔係唔係真係咁重要呀?
有啲人話男人唔駛靚仔嘅,有才華米得囉.
係,你有冇試過帶你嘅才華去落disco識女仔呀?
人地啲靚仔一行入去,唔洗二十分鐘,就已經同的女仔互相問問題:
[你度定我度?]
我帶住我嘅才華入到去,幾難先搵到個女仔肯俾個機會我.
唔係比機會我交換問題,而係比機會我天才表演.
唱歌跳舞做話劇講大話功夫表演,成套歡樂今宵一個人做一次......

失戀係會令人成長嘅.
我失戀之前,一向都覺得世界上所有問題都有答案.
點解我地每日都要8點鐘起身返工呀?
因為夠鐘咯!
點解我地有夠鐘呢樣嘢呀?
因為我地唔用浮動上班時間咯.
點解呢個世界有戰爭?
因為我地有武器羅.
咁點解我地要有武器呀?
因為佢地有武器咯.
一切都有答案,直到我失戀.
阿珍,點解你唔愛我?
阿珍比咗一個經典既答覆我,佢話:
“愛情係冇點解o架,係唔可以解釋o架,唔好問啦.”（記緊這句啦)
如果番學阿sir問我嘢都可以咁答就好了!
“黃子華,物体燃燒點解需要氧氣呀?”
“阿sir,係冇點解架,係唔可以解釋架,唔好問我啦!”

作者: luhc181 时间: 2009-9-19 16:46
处男係无资格自杀嘅！

作者: luna9323 时间: 2009-10-27 12:27
白雪公主，识得果个係王子，灰姑娘识得果个又係王子；
有个有特殊嗜好，中意锡青蛙嘅女人锡咗只青蛙一淡，
只青蛙变出嚟嘅又係王子！有冇人谂过根本个王子係同一个人呢？
根本呢个王子都不知几花心，周围沟女。仲无良到扮青蛙去沟添！
所以话，其实呢个世界上没王子，只有扑街，最憎就系果啲扮王子嘅扑街！！
哈哈哈哈~~！！！！就系咁啦！！！！！

作者: lisaweiwei 时间: 2009-10-27 12:54
补多句黄子华06栋笃笑既。。。
男人唔系不主动，系蠢蠢欲动；唔系不抗拒，系不能抗拒；所以严格黎讲我地唯一可以做到既就系不负责任

作者: Brlsbane 时间: 2009-10-29 09:45
不错~他做的栋笃笑 SHOW是最搞的我觉得..

作者: mc110 时间: 2009-10-29 18:27
97後不談政治
他的SHOW少了一点色彩

作者: lisaweiwei 时间: 2009-10-29 23:57
6# mc110

其实都唔系啊。。。
距“无炭用”果场都有大弹董建华啊。。。

作者: mc110 时间: 2009-10-30 00:06

6# mc110

其实都唔系啊。。。
距“无炭用”果场都有大弹董建华啊。。。
lisaweiwei 发表于 2009-10-29 23:57

可是他的show
近年對共黨與XX(兩個數字)有避忌

作者: panda 时间: 2009-12-25 21:21
黄子华+林狗+双低~~~留学澳洲必备笑品

作者: miwako520 时间: 2010-1-5 13:50
觉得黄子华系个人才噶。。。睇落似玩世不恭，其实就谙明一切。

欢迎光临 BrisbaneBBS.com悠悠网 | 布里斯班中文网_昆士兰华人论坛_黄金海岸论坛_Goldcoast_租房_工作_交友_同城 (http://brisbanebbs.com/)